По последните настани и блокираните патишта во Маврово, од Општината Маврово и Ростуше велат дека чистењето од снег на патот од браната Маврово, преку селата Маврово, Никифорово и Леуново, околу езерото, па сè до приклучокот кај местото Бунец е регионален пат и е во надлежност на Јавното претпријатие за државни патишта.

„Под надлежност на општината се локалните патишта кои водат од регионален пат до населените места, за кои општината има обврска за ангажирање на механизација за редовно зимско одржување и фрлање абразивен материјал. Дезинформација е дека општината избрала фирма која не поседува механизација и се додава дека тендерската постапка сè уште не е завршена. Општината со сопствена механизација ги одржува локалните патишта за кои има надлежност сѐ до избор на фирма за зимско одржување, која според постапката за јавни набавки треба да биде избрана најдоцна до 10-ти овој месец“, велат од општината.

„Во изминатите денови беа исчистени локалните патишта до селата Врбен, Церово и улица во село Леуново каде имаше болна жена. Денес се чистат локалните патишта кон село Дуф, Сретково и останатите села кои водат од регионален пат до влезовите на населените места. Објавен е и список на вид на делници и вид на коловоз за кои општината има обврска за редовно одржување“, соопшти Општина Маврово и Ростуше“, додаваат од Маврово и Ростуше.

ДЗР: Финансиски неправилности и зголемен број на бесправно изградени објекти во општина Маврово и Ростуше