Општина Гази Баба воведува нова мерка која ќе биде од голема корист за граѓаните што чуваат миленици, а тоа е субвенционирање за стерилизација на домашни миленици. Ќе се субвенционира во целост трошокот за стерилизација, но не повеќе од 6000 денари.

Ова е уште една мерка која ја реализираме како одговорна локална самоуправа во насока на системско решавање на проблемот со бездомните миленици на долг рок. Придобивките од стерилизацијата на милениците се многубројни и подеднакво важни како за здравјето на миленикот така и за околината. Стерилизацијата е најдобро решение за контрола и намалување на популацијата на бездомни миленици, а истовремено се намалува и нивната агресивност – вели градоначалникот Бобан Стефковски.

Тој информира дека јавниот повик е веќе објавен и ги повика граѓаните да ја искористат можноста  да добијат субвенции.