Следната година планираме почеток на градба на две нови градинки, едната во населба Лисиче, а другата позади кулите Џевахир, информираше денеска градоначалникот на Општина Аеродром, Тимчо Муцунски.

– Имаме намера да почнеме со доградби и надградба на две основни училишта. И секако друг ред број на други проекти што продолжуваат, примарно насочени кон најмладите категории, но, исто така решавање на инфраструктури и проблеми што се нови улици, нови паркинзи и сето тоа што им е потребно на аеродромци, додаде градоначалникот.

Тој даде краток осврт на сработеното во 2022 и презентираше планови за 2023 година.