Британските медиуми известуваат за амбициозен проект за изградба на нов стадион за англискиот фудбалски клуб Манчестер јунајтед, кој би можел да собере дури 100.000 гледачи.

Планот предвидува уривање на легендарниот Олд Трафорд и изградба на модерен објект кој би го задржал своето историско значење. Се очекува дека плановите би можеле да бидат објавени уште денеска, а сер Џим Ратклиф, малцинскиот сопственик на Јунајтед, одигра клучна улога во нивниот развој.

Според достапните информации, изградбата на новиот стадион ќе чини околу два милијарди евра. Ретклиф ја обезбеди поддршката од британската влада во јануари, што беше клучен момент за реализација на проектот. Комплексното реновирање на паркот Трафорд се очекува да ја поттикне британската економија за дури 7,3 милијарди фунти.

Новиот стадион ќе биде дел од поширок комплекс кој ќе вклучува голем транспортен центар, спортски, станбени, забавни, деловни и образовни кампуси. Овој план не само што ќе го модернизира фудбалскиот дом на Манчестер јунајтед, туку ќе го трансформира и поширокиот регион Манчестер.

Олд Трафорд, домот на Манчестер Јунајтед од 1910 година, беше сведок на повеќе од 114 години од славната историја на клубот. Доколку планот успее, новиот стадион ќе стане најголемиот во Англија, надминувајќи го Вембли, кој моментално може да прими 90.000 гледачи.