На педесетина училишта ширум државава ќе се постават фотоволтаични системи во текот на летниот период.

Како што соопштија од прес-службата на Владата, Министерството за образование и наука ќе склучи договор за неповратен грант од 1,1 милиони евра со Банка за развој при Совет на Европа за инвестирање во обновливо извори за енергија.

– Со оваа инвестиција ќе се заштедат големи буџетски средства, а тие пари потоа ќе можат да се реинвестираат во инфраструктурни проекти, учебници и дигитални помагала за учениците – се вели во соопштението.

Преку инвестирање во обновливите извори на енергија, како што се наведува, ќе се намалат финансиските трошоци, но и ќе придонесат за намалување на загаденоста на животната средина.