Без проблеми се одвива онлајн наставата за ученици од четири училишта во општина Гази Баба со цел тие и нивните наставници да се заштитат од штетни материи по големиот пожар во магацин за отпад во Трубарево во саботата, изјави министерката за образование и наука Весна Јаневска.

– На мое големо задоволство, наставата тече без пречки. Околу 1.800 ученици од четирите училишта во Трубарево ја посетуваат наставата и досега немаме ниту една поплака – изјави Јаневска одговарајќи на новинарски прашања.

Министерството за образование и наука (МОН) на 14 септември информираше дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“ во општина Гази Баба, од вчера 15 септември до петок 19 септември се реализира без физичко присуство на учениците во училиштата, туку онлајн, поради настанатиот пожар во Трубарево.

Поради пожарот во Трубарево, од утре онлајн настава за четири училишта во Гази Баба