Охриѓанец на возраст од 51 година, испраќал фотографии со недолична содржина на седумнаесетгодишно девојче и го барал истото од неа.  Вчера околу 22 часот бил уапсен и против него ќе биде поднесена пријава.

– Тој се сомничи дека од април оваа година во повеќе наврати на апликација на социјална мрежа на 17-годишно девојче од Охрид испраќал пораки и фотографии со недолична содржина и барал од неа и таа да му испраќа фотографии со експлицитна содржина. Со судска наредба бил извршен и претрес во неговиот дом, при што биле пронајдени и одземени мобилен телефон и ловечка пушка „застава“ со калибар 12 мм. – соопшти МВР.