Пожар во Скопско / илустрација / Фото: Читатели на „Слободен печат“

Информации од МВР што изгорело во пожарите во Чучер Сандево и Македонски Брод

Пожарот во скопско Чучер Сандево зафатил три куќи, помошна просторија, гаража, ниви со жито, садници, а во село Рамне во општина Македонски Брод огнот ја зафатил камбанаријата на црквата, гробиштата и неколку куќи. Ова произлегува од официјалните информации што ги добивме од Министерството за внатрешни работи за тоа што е пријавено дека изгорело во големите пожари во Чучер Сандево и Македонски Брод.

– На 07.07.2025 во 19 часот во СВР Скопје е пријавено дека во с.Голиево, скопско, настанал пожар, при што опожарени биле три куќи, помошна просторија, гаража, ниви со жито, садници и други предмети. Повредени лица нема. Пожарот е изгаснат од Бригадата за противпожарна заштита Скопје – велат од МВР.

Во неделата пак било пријавено дека има пожар во објект на фирма во село Самоков, најверојатно во фабриката за муниција „Сувенир“.

– Исто така, на 07.07.2025 во ОВР Македонски Брод е пријавено дека во с.Рамне, Македонски Брод, има пожар, кој се шири кон с.Зркле, при што од огнот биле зафатени дел од камбанаријата на црквата во с.Рамне и гробиштата, како и неколку куќи. Пожарот е се уште активен и се преземаат мерки за негово гасење – велат од МВР за „Слободен печат“.

Опожарени се седум викенд-куќи и еден човек е во болница, директорот не знае што зборува – вели градоначалникот на Чучер Сандев

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот