Украинскиот репрезентативец Олександрр Зинченко од денеска и официјално е нов фудбалер на Арсенал. Зинченко денеска стави параф на четиригодишниот договор со Арсенал, а на „Емирати“ дојде од Манчестер сити во трансфер вреден 30 милиони фунти плус 2 милиони во бонуси.

Украинецот дојде во Арсенал на инсистирање на менаџерот Микел Артета кој добро ги познава квалитетите на Зинченко. Артета две сезони беше помошник на Пеп Гвардиола во Манчестер сити.

?? Welcome, Alex ??

— Arsenal (@Arsenal) July 22, 2022

Гвардиола најчесто го користеше Зинченко на левата бековска позиција, додека Артета го гледа и како дел од средниот ред.

Зинченко пет сезони настапуваше за Манчестер сити, но одигра нешто повеќе од 70 натпревари во Премиер лигата и освои четири титули со „граѓаните“.

Украинецот е втор фудбалер кој летово од Манчестер сити се пресели во Арсенал, претходно пристигна и Габриел Жесус.