Арсенал не прецизираше детали од договорот, според британските медиуми истиот е продолжен за уште една сезона.

Италијанскиот фудбалер за врска Жоргињо се пресели од Челси во Арсенал минатиот јануари и стана важен играч во тимот на Микел Артета.

Сезонава одигра 35 мечеви во сите натпреварувања, а единствениот гол го постигна против Ленс во Лигата на шампионите. Жоргињо изјави дека целта е да оствариме што повеќе победи.

– Многу, многу сум среќен што останав, бидејќи е привилегија да се биде дел од ова семејство. Моето семејство е среќно, добро се адаптиравме и мислам дека имам уште да работам – изјави Жоргињо за клупската веб-страница.

Артета изјави дека сите во клубот се задоволни што е договорено продолжување на соработката со Жоржиња.

– Тој е важен член на нашиот тим, вистински модел со лидерски вештини и уникатен стил на игра што ги прави подобри сите на теренот. Задоволни сме што Жоржи и неговото семејство се посветени на клубот и возбудени сме што ќе го продолжиме ова патување заедно – рече менаџерот на Арсенал.