Капитенот на Ливерпул, Вирџил ван Дајк, денеска официјално го продолжи договорот со англискиот фудбалски клуб, потврдувајќи дека ќе остане на „Енфилд“ и по сезоната 2024/25.

Се споменува дека новиот договор нема клаузула за раскинување или намалување на платата, па Ван Дајк ќе продолжи да заработува плата од околу 466 илјади евра неделно.

– Многу сум среќен, горд. Толку многу емоции ми поминуваат низ главата кога зборувам за ова. Чувство на гордост, радост. Патот што го поминав во мојата кариера, а сега го продолжувам за уште две години – неверојатно. Ова отсекогаш беше местото каде што сакав да бидам. Никогаш немало дилема, секогаш бил Ливерпул – рече Ван Дајк.

Ван Дајк пристигна во Ливерпул од Саутемптон во јануари 2018 година и оттогаш прерасна во еден од најдобрите дефанзивци во светот, столб на одбраната за тим кој освои седум големи трофеи.

Досега, холандскиот одбранбен играч одигра 314 натпревари за Ливерпул и постигна 27 голови.