Македонскиот фудбалер Милош Тошески (роден 1998 год.) оваа зима потпиша договор на три и пол години со Спартак Суботица.

Овој 23-годишен централен играч од средниот ред ќе настапува во најсилното српско првенство, а неговиот нов клуб е моментно е на деветтото место со 27 бодови.

Тошески од 2016 до 2018 година беше дел од српскиот Бродарац, па од 2018 до 2019 година во редовите на Земун исто така од Србија, а од 2020 година ги бранеше боите на Работнички.

Претходно настапуваше за нашата У17 и У19 селекција.

– Мислам дека дојдов во одличен клуб за афирмација на играчот. Фантастично сум прифатен и се надевам дека брзо ќе ги оправдам очекувањата на Стручниот штаб – вели Тошески за клупскиот сајт.