Фудбалерот на англиски Тотенхем и најдобар јужнокорејски играч, Сон Хеунг Мин од вчера според новиот закон во неговата земја и официјално е една година помлад.

Да, добро прочитавте, Сон сега е една година помлад. Не станува збор за некоја грешка, туку за промена на законите за пресметување на староста во Јужна Кореја.

Според досегашните закони во Јужна Кореја на детето му се сметаше и времето поминато во мајчината утроба, па така по раѓањето веднаш имаше една година. Но, тука не беше крајот на бизарното сметање, најголемата „неправда“ се случуваше кај децата родени на 31-ви декември.

Имено, без разлика колку време поминало на детето веднаш на неговиот прв јануари му впишуваше една година плус, па така детето кое е родено на 31-ви декември, на 1-ви јануари веќе има две години.

Сега оваа држава одлучи да се приклучи на сметањето како и во остатокот од светот, па така фудбалерот на Тотенхем на 8-ми јули ќе наполни 32 години, место 33.