Актуелниот фудбалски шампион во италијанската Серија А од Милано, Интер и официјално објави дека од Наполи во своите редови го донесе 30-годишниот Пјотр Зиелински.

На крајот на штотуку завршената сезона, на полскиот репрезентативец му истече договорот со Наполи и тој како слободен играч дојде во Интер и потпиша договор на четири години.

Од почетокот на својата професионална кариера, Зиелински игра во италијанскиот фудбал и на 17 години прв пат ја посетува фудбалската школа на Удинезе.

Покрај за клубот од Удине, тој играше и за Емполи од 2014 до 2016 година, кога се пресели во Неапол. Тој беше еден од најдобрите играчи на Наполи во последните години, како и важен играч на патот до титулата во Серија А пред две сезони. Вкупно за Наполи одигра 281 првенствен натпревар со 37 голови.

Играчот од средниот ред одигра 93 натпревари за репрезентацијата на Полска со 12 гола.

First Challenge for Piotr: Nerazzurri history ✅??#ForzaInter #WelcomePiotr pic.twitter.com/Lghd4dCUvP

— Inter ⭐⭐ (@Inter_en) July 6, 2024