Панче Стојанов (49) е назначен за шеф на стручниот штаб на фудбалскиот клуб Брера откако завчера Тони Атанасов си поднесе оставка од оваа функција по поразот од Вардар.

Стојанов беше помошник на Атанасов во овој дел од првенството и заедно го водеа тимот низ предизивиците од овој дел на сезоната.

Стојанов е добро познат на фудбалската јавност во земјава, беше фудбалер во повеќе мак клубови. Настапуваше за Силекс, Беласица, Ренова, Хоризонт Турново, Работнички.

Беше и тренер во Брера на младинските категории, а во 2018 та година го предводеше сениорскиот состав кога за првпат клубот играше во Првата лига.

На клупата ќе дебитира в среда во првиот меч од полуфиналето на Купот на Македонија против Вардар во Скопје, по што погледите ќе бидат насочени на завршницата од првенството каде основна цел ќе биде задржување на прволигашкиот статус.