Досегашниот фудбалер на Работнички, Методи Максимов, прави трансфер во Шкендија. Во договор на двата клуба, младинскиот репрезентативец на Македонија, во иднина ќе настапува за тетовскиот клуб.

Тој во есенскиот дел од првенството одигра 14 натпревари за Работнички, вкупно 1164 минути и постигна три гола.

– Се чувствувам многу среќно и задоволно. Чест и задоволство ми е да играм за Шкендија и ќе дадам сè од себе за овој клуб – се зборовите на Максимов.

Официјално Максимов потпиша договор со Шкендија кој ќе трае до лето 2026 година.

Ова е првото засилување оваа зима за клубот, претходно екипата ја напушти Меџит Незири.

Максимов, 20-годишното десно крило настапи за младинските селекции У17, У18, У19 и У21, а годинава во октомври на пријателскиот натпревар против Саудиска Арабија дебитираше во сениорскиот дрес.