Откако претходно во текот на денот и официјално се раздели со Кристоф Галтие, ПСЖ го објави името на новиот тренер на клубот.

Луис Енрике (53) ќе седне на клупата на францускиот шампион со кој потпиша договор на две години.

– Среќен сум што му се приклучувам на ПСЖ за да уживам во ново искуство. Возбудливо е да запознаваш нови луѓе, да живееш во овој град, да научиш нов јазик и пред сè да го водиш ПСЖ – вели шпанскиот стратег.

Како професионален фудбалер имаше големи успеси со Барселона, а така продолжи и како тренер со каталонскиот клуб со кој двапати ја освои „Ла Лига“ во 2015 и 2016 година, трипати Копа дел Реј, а по еднаш шпанскиот Суперкуп, Лигата на шампионите, УЕФА Суперкупот и Светското клупско првенство.

Беше и селектор на шпанската репрезентација со која стигна финалето пред две години во УЕФА Лигата на нации.

?✍️

Paris Saint-Germain is delighted to announce that Luis Enrique has been named as its first team's new head coach, with the Spanish manager signing a two-year contract. ??#WelcomeToParisLuisEnrique https://t.co/gyHvQx9ojO

— Paris Saint-Germain (@PSG_English) July 5, 2023