Рома објави дека Крис Смолинг (33) го продолжи договорот и истиот ќе важи до 30 јуни 2025 година.

Искусниот англиски дефанзивец истакна дека лесна беше одлуката да се стави нов потпис.

– Овде го играм најдобриот фудбал во мојата кариера, а моето семејство и јас се чувствуваме толку добредојдени во овој прекрасен град од првиот ден. Уште повеќе, овој клуб очигледно прави големи чекори напред во сите области. Сакам да им се заблагодарам и на нашите навивачи и безусловната поддршка што ми ја покажаа помогна да се донесе одлуката уште полесно – рече Смолинг.

За 143 настапи и 10 гола во четири сезони, а воедно лани придонесе италијанскиот клуб да ја освои Конференциската лига.

Во својата клупска кариера играше и Мејдстоун јунајтед, Фулам и Манчестер јунајтед. За најдобрата англиска репрезентација забележа 31 настап и еден погодок.