Италијанскиот фудбалски клуб Наполи денеска објави дека договорот на Алекс Мерет е продолжен до 30 јуни 2027 година.

Голанот дебитираше за Наполи на 8 декември 2018 година, а тимот го доби тој домашен натпревар со 4:0 против Фросиноне. Мерет досега има 212 настапи со Наполи, со вкупно 68 натпревари без примен гол.

Ниеден чувар на мрежата немал повеќе натпревари со непримен гол од Алекс Мерет во петте големи европски првенства во сезоната 2024/25 (16, израмнет со Миле Свилар). Ова е исто така и најдобриот настап на Мерет во сезоната во Серија А (16 натпревари без примен гол, исто така, во сезоната 2022/23).

Во текот на изминатите три сезони (од 2022/23), Мерет беше голманот со најмногу одбрани пенали во Серија А (пет).

Со Наполи, двапати го освои Скудетото, во сезоните 2022/23 и 2024/25, соодветно, и еден Куп на Италија, во сезоната 2019/20.