Како и што се најавуваше од Ред Бул ја потврдија разделбата со Серхио Перез кој заминува по слабата сезона, а на негово место пристигнува Лијам Лосон.

22-годишниот возач од Нов Зеланд кој во изминатата сезона имаше добри резултати во тимот на „Рејсинг Булс“ во наредната ќе биде тимски колега на шампионот Макс Ферстапен.

„Ова го чекав цел живот и сега ми се исполни сонот. Отсекогаш сакав да станам возач на Ред Бул. Се што поминав досега беше едно неверојатно патување. Возбуден сум и среќен што ќе соработувам со Макс и ќе можам да учам од еден светски шампион. Не се сомневам дека ќе има што да научам. Со нетрпение чекам да почнеме“, изјави Лосон.