Швајцарскиот фудбалски клуб Лугано денеска на својот клупски сајт го објави новото летно засилување, Езѓан Алиоски. Македонскиот репрезентативец (85 настапи, 13 голови) потпиша двегодишен договор со важност до 30 јуни 2027 година, со опција да остане во клубот.

Нашиот 33-годишен дефанзивец веќе го носеше „црно-белиот“ дрес на Лугано во сезоните 2015/16 (18 настапи, три голови) и 2016/17, сезоната во која се етаблираше во најдобрата швајцарска лига, запишувајќи 36 натпревари, 16 голови и 14 асистенции, бројки му што донесува трансфер во англискиот Лидс каде исто така остави неизбришлив белег.

ФК Лугано сака да се засили со играчи со докажано искуство, способни не само да го подигнат техничкото ниво на тимот, туку и да дејствуваат како референтна точка за помладите соиграчи, поттикнувајќи го нивниот раст и развој и на теренот и во соблекувалната.

Откако го заврши својот престој во Саудиската про лига со Ал Ахли, Алиоски неодамна блескаше на своите настапи за македонската А репрезентација, уште еднаш демонстрирајќи ги своите квалитети. Неговата биографија е збогатена со важни искуства во главните европски лиги, вклучувајќи ја Премиер лигата со Лидс јунајтед, како и турската Суперлига со Фенербахче.

– Со задоволство го најавуваме враќањето на Езѓан, играч кој со своето искуство и карактер, совршено ги отелотворува вредностите и духот на нашиот клуб. Неговите технички квалитети и харизма го прават референтна точка, како што неодамна покажа со одлучувачкиот придонес во победата на Ал-Ахли во Азиската Лига на шампиони. Откако ни овозможи незаборавни моменти во неговото прво искуство во Лугано, горди сме што можеме заедно да започнеме ново поглавје – рече Себастијан Пелцер, главен спортски директор на ФК Лугано.