Тетовскиот фудбалски прволигаш Шкендија ја информираше јавноста дека нов играч на клубот е Ералд Чинари.

Овој албански фудбалер кој настапува на крилните позиции, може да игра и како централен напаѓач, по успешните лекарски прегледи официјално потпиша договор со тетовските „црвено-црни“ до лето 2024 година.

Чинари доаѓа од редовите на турската екипа Самсунспор, три години беше дел од Партизани Тирана со кој го освои албанскиот шампионат и тамошниот Супер Куп.

А исто така пет сезони како професионален играч ги бранеше боите на Влазнија каде ја започна кариерата.

Чинари е петтото зимско засилување за ФК Шкендија после Методи Максимов, Камер Ќака, Мустафа Мујезиновиќ и Наско Милев.