Официјално: Џордан Хендерсон е соиграч на Дарко Велковски во Ал Етифак
Поранешниот капитен на Ливерпул, Џордан Хендерсон, потпиша договор со саудискиот фудбалски клуб Ал Етифак. Британските медиуми објавија дека трансферот е вреден 12 милиони фунти.
Препорачано
Хендерсон на тој начин го напушта „Енфилд“ по 12 години, каде освои осум трофеи, вклучувајќи ја Лигата на шампионите во 2019 година и Премиер лигата една година подоцна.
Хендерсон го напушти клубот две години пред истекот на неговиот договор. Откако се приклучи од Сандерленд во јули 2011 година, одигра 492 натпревари за „црвените“, постигнувајќи 33 гола и 57 асистенции.
England ? Saudi Arabia
Welcome to your new home @JHenderson ❤️?#HendersonEttifaqi pic.twitter.com/2brFblNT6Q
— Ettifaq Club (@Ettifaq_EN) July 27, 2023
Тој во Ал Етифак ќе работи со својот поранешен соиграч Стивен Џерард, кој сега е тренер на саудискиот клуб и воедно ќе му биде соиграч на македонскиот репрезентативец Дарко Велковски.
Летово во саудискиот фудбал заминаа многу играчи од најсилните европски лиги, меѓу кои Карим Бензема, Нголо Канте, Роберто Фирмино, Сергеј Милинковиќ-Савиќ, Едуард Менди и Калиду Кулибали.
Летово Ливерпул го напуштија Џејмс Милнер, Наби Кеита и Алекс Окслејд-Чембрлен, како и Фабио Карваљо кој замина на позајмица во Лајпциг. На „Енфилд“ дојдоа Алексис Мекалистер и Доминик Собослаи, а се очекува да дојде уште еден играч од средниот ред.
