Фото: Manchester United F.C.

Официјално: Де Лихт и Мазрауи нови фудбалери на Манчестер Јунајтед

Maнчестер Јунајтед вечерва ги потврди трансферите на дефанзивците Матијас Де Лихт и Нусер Мазрауи кои пристигнуваат во „пакет“ од Баерн Минхен.

Де Лихт во клубот од „Олд Трафорд“ пристигнува за сума од 45 милиони евра плус пет преку бонуси. Во изјавата по трансферот Де Лихт потврди дека тренерот Тен Хаг бил една од причините што се преселил на „Олд Трафорд“.

„Кога слушнав дека Манчестер Јунајтед сака да ме доведе не размислував премногу. Ерик Тен Хаг ме познава од моите рани почетоци и тој знае како да го извлече најдоброто од мене“, изјави Де Лихт.

За трансферот на Мазрауи, Јунајтед плати 15 милиони евра, додека уште пет ќе исплати преку бонуси. Исто како и Де Лихт и Мазрауи соработуваше со Тен Хаг во периодот додека го носеше дресот на Ајакс.

„Одлично е чувството да бидете фудбалер на Манчестер Јунајтед, не можам да дочекам да истрчам пред навивачите. Знам дека доаѓам во возбудлив период и моја желба е да освојуваме трофеи. Среќен сум што повторно ќе соработувам со Тен Хаг, ќе дадам сè од себе да му помогнам на тимот“, изјави Мароканецот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот