Македонскиот ракометар Дарко Димитриевски ја игра својата последна сезона во дресот на шпанскиот клуб Ваљадолид.

Левиот бек кој не добива шанса да игра за нашата најдобра репрезентација, иако неколку пати веќе се наоѓа во поширокиот список, одлучи да го напушти Ваљадолид на крајот од оваа натпреварувачка сезона 2023/24.

Шпанците воедно објавуваат дека 30-годишниот Димитриевски ќе ја продолжи професионалната кариера во друг клуб.

Во Ваљадолид се пресели во летото 2022 година од германскиот ТВ Емсдетен, а оттогаш во 52 натпревари постигна 146 голови со важна улога во дефанзивниот дел.

Претходно Димитриевски ги бранеше и боите на МРК Вардар, РК Куманово, РК Металург Скопје и РК Борец, шпанските Синфин, Пуерто Сагунто и Адемар Леон, Катар Спортс Клуб од Катар, унгарскиот Чурго и израелскиот Хапоел Ашдод.