Фудбалскиот клуб Шкендија денеска објави дека нов фудбалер на екипата е искусниот напаѓач Бесарт Ибраими кој доаѓа од редовите на актуелниот макеоднски шампион Струга Трим Лум.

Ибраими во текот на својата кариера играше за различни клубови и покажа исклучителни напаѓачки способности. Во Шкендија се враќа по три години, откако во периодот 2015-2021, шест години беше меѓу главните играчи во најуспешниот период на клубот. Најдобар стрелец во историјата на ФК Шкендија, но и во целата историја на елитниот фудбал во Македонија.

Неговото враќање во Шкендија претставува важен чекор за зајакнување на тетовскиот тим и исполнување на целите од следната сезона.

Ибраими го изрази својот ентузијазам за овој нов предизвик и вети дека ќе даде сè од себе за да ѝ помогне на Шкендија да постигне успех.

– Многу сум среќен што се враќам во Шкендија и со нетрпение очекувам да придонесам за овој голем клуб – рече тој при потпишувањето на договорот.

Заврши позајмицата на Енур Тотре во Шкендија од украинската Ворскла