По анализата на настапите и по долго размислување, англискиот фудбалски клуб Тотенхем објави дека Анге Постекоглу е разрешен од своите должности.

Постекоглу дојде во Тотенхем од Селтик во летото 2023 година и беше предводник на период на промени на теренот, враќајќи го клубот во напаѓачкиот бренд на фудбал кој традиционално се поврзува со клубот, додека истовремено пишуваше ново поглавје во историјата на клубот водејќи го до титулата во УЕФА Лигата на Европа во Билбао минатиот месец.

Постекоглу му го донесе на Тотенхем првиот трофеј од 2008 година, а прв од категоријата големи титули од 1991 година. Сепак, дури и тој факт очигледно не беше доволен за да ја задржи својата работа.

Постекоглу се раздели со клубот од северен Лондон две години пред да му истече договорот.

Раководството на Тотенхем одлучи да го направи овој потег откако тимот ја заврши оваа сезона во Премиер лигата на 17 место – најлошата позиција што значи опстанок во елитата.