Ако планирате да изнајмите скутери и мотоцикли на одмор во Грција, знајте дека носењето кацига е задолжително, а казната за тој сообраќаен прекршок е 350 евра. Покрај казната што се плаќа на лице место, вашата возачка дозвола е суспендирана на еден месец, па ако сте дошле со сопствен автомобил, имате проблеми како да се вратите во земјата и мора повторно да дојдете во Грција за да ја подигнете дозволата.

Новиот закон за прв пат воведува одговорност за патниците на мотоцикли без кацига – досега казнуван беше само возачот. Сега и возачот и патникот се одговорни. Грците се строги кога станува збор за сообраќајни прекршоци, па затоа кацигата е задолжителна, секако почитувајќи ги и другите прописи.

Исто така, уште еден важен совет, во Грција оваа година се става акцент на користење мобилен телефон во автомобилот, затоа обрнете внимание и тргнете го телефонот настрана додека возите.