По консултации со АТП, ВТА и ИТФ, челниците на француската тениска федерација одлучија турнирот наместо две да се игра три недели за да овозможат да се играат и квалификации за главниот жреп со што ќе им помогнат на понискорангираните тенисери и тенисерки.

Првичната одлука беше турнирот кој вообичаено се игра во мај и јуни поради пандемијата на коронавирусот да се одржи од 20. септември до 4. октомври, но по консултации со тениските организации дојде до промена на терминот.

– Одушевени сме што по консултациите со тениските авторитети овозможивме Ролан Гарос да се игра три недели. Со промената на терминот финансиски ќе им помогнеме на тенисерите и тенисерките кои се погодени од оваа криза. Ролан Гарос има историска одговорност да го промовира светскиот шампион на земја. Есенскиот турнир ќе биде нова страница на легендарниот Ролан Гарос – изјави претседателот на тениската федерација на Франција, Бернан Гвидичели.