Постпарталната депресија е потенцијално опасна по живот состојба во која жената чувствува тага, вина и безвредност.

Американската агенција за храна и лекови (ФДА) го одобри првиот орален лек за лекување на постпородилна депресија, соопштија компаниите „Sage Therapeutics“ и „Biogen“.

Zurzuvae е првиот и единствен орален лек за постпородилна депресија, кој се зема еднаш дневно во лекувањето кое трае 14 дена и може да доведе до брзо подобрување, објавија компаниите.

Досега, лекувањето на постпородилната депресија во САД беше можно само преку интравенска примена на лекот во здравствените установи.

Според зборовите на компаниите, Zurzuvae треба да биде достапен во последниот квартал од 2023 година.

Постпарталната депресија е значајна депресивна епизода која обично се појавува по раѓањето на детето, но може да започне и во текот на подоцнежните фази од бременоста.

Исто како и кај другите видови депресија, симптомите на постпородилна депресија вклучуваат тага, губење на енергија, самоубиствени мисли, намалена способност за чувствата на уживање, наведува ФДА.

Се проценува дека една од седум жени искусуваат симптоми на постпородилна депресија само во САД.

„Постпарталната депресија е потенцијално опасна по живот состојба во која жената чувствува тага, вина, безвредност – во потешки случаи доаѓа до мисли за повредување себеси или на детето“, рекла началничката за психијатрија во Центарот за проценка и истражување на лекови при ФДА.

„И, бидејќи постпородилната депресија може да го наруши односот мајка-дете, може исто така да има последици и врз физичкиот и емоционалниот развој на детето. Пристапот до орални лекови ќе биде корисен за многу жени кои „се справуваат со екстремни и понекогаш опасни по живот чувства“, додала таа.

Клиничките испитувања покажаа дека таблетата значително ги намалува симптомите на депресија во рок од три дена. Ефектот на лекот трае четири недели по последната доза, соопштиле од ФДА.