Поради отсуство на член на судечкиот совет одложено е денешното рочиште за случајот „Тотал“ каде обвинет е новинарот и поранешен уредник во Сител, Драган Павловиќ – Латас. Процесот е одложен за 17 октомври.

Предметот е во доказна постапка. Јавниот обвинител Љубомир Јовески случајот „Тотал“ откако како предмет го доби од СЈО повторно и го довери на обвинителката Елизабета Јосифоска.

Случајот „Тотал“ се однесува на даночно затајување од страна на новинарот Драган Павловиќ – Латас кој се товари дека во периодот од 2008 до 2015 заедно со правни лица со намера да одбегнат плаќање даноци во завршните сметки и даночните пријави давале лажни податоци. Правните лица го оштетиле буџетот за 121.000 евра, а Павловиќ – Латас за 63.000 евра.