Едноставен рецепт за неодолив појадок, вечера или ужина – солена лења пита со сирење.

Лења пита е еден најпознатите деликатеси кој се прави со јаболка. Пробајте ја и солената варијанта и испечете неодолива лења пита со сирење.

Многу е едноставно и практично, а на сите ќе им се допадне. Одлична идеја е и за празнична трпеза, а доколку не сте смислиле мени, ова е наш предлог.

Состојки:

– 2 јајца
– 100 мл масло
– 30 г шеќер
– 100 мл јогурт
– 250 г брашно
– 1 прашок за печиво

За фил:

– 250 г фета сирење
– 4 лажици кисела павлака
– 2 јајца
– 2 лажици брашно

Подготовка:

Јајцата се матат со шеќер, па се додаваат маслото, јогуртот и просеаното брашно со прашокот за печиво. Половина од смесата сипете во тепсијата и печете кратко време (околу 10 минути) во загреана рерна на 180 степени.

За тоа време подгответе го филот со сирење. Во сад измешајте фета, кисела павлака, јајца и брашно. Добро соединете ги и сипете врз кората. Прелијте ја преостанатата смеса за кората и вратете ја во рерна уште 20-30 минути.