Викендов на базенот во Спортскиот центар „Нов Белград 11 Април“ се одржа меѓународниот Гранд при натпревар „11 Април“ на кој учествуваа повеќе од 700 пливачи од Србија, Македонија, Босна и Херцеговина, Кипар, Хрватска и Грција.

Пливачите на ПК „Нептун“ од Скопје, под водство на тренерот Томи Стефановски, се закитија со бројни успеси на овој навистина тежок пливачки митинг.

Андреј Стојановски (2004) освои две златни и две сребрени медали и постави два нови рекорди во македонското пливање, нов младински рекорд на 200м градно и нов младински и сениорски рекорд на 50м грбно.

Со медали се закитија и:

Михаил Велков (2006) – сребро на 200м делфин

Сара Анастасовска (2009) – сребро на 200м мешано

Емилија Велкова (2009) – злато на 400м слободно и сребро на 200м грбно

Виктор Буклески (2010) – злато на 200м градно и сребро на 400м слободно. Буклески беше прогласен за најдобар пливач во категорија

Мартин Делидинков (2010) – бронза на 50 м грбно.

На митингот настапија и Мане Манов, Елена Николовска, Матеј Димитриевски, Софија Стефановска, Карла Куфало, Неда Стефановска и Магдалена Николовска.