Одбојкарите на Струмица се подготвуваат за настапот во ЦЕВ Лигата на шампионите
Во изминатиот период одбојкарскиот клуб Струмица НИКОБ успешно го заврши меѓународниот турнир по повод 75 години одбојка во Струмица. Вкупно четири дена исполнети со врвна одбојка, одиграни три натпревари од кои две победи и еден пораз.
Препорачано
Во првиот меч триумфираше над ОК Будва од Црна Гора со 3:2, па со истиот резултат загуби од романската екипа на СЦМ Крајова, а запиша победа од 3:2 над СПЦ МОК Раднички од Србија. Струмица НИКОБ ја темпира формата според планираното за претстојните натпревари во Лигата на шампионите на ЦЕВ.
Клубот информираше дека е продолжена соработката со Владо Милев, столбот на играта во тимот кој останува да биде пример за младите и преку своето големо искуство во неговата кариера да биде нивни водич.
Потсетување дека составот на ОК Струмица НИКОБ ќе игра во првото квалификациско коло во ЛШ, противник ќе му биде холандскиот Динамо Апелдорн. Првиот меч ќе се игра на теренот на противникот на 20 септември, а реваншот е седум дена подоцна во СЦ „Јане Сандански“ во Скопје.
Доколку нашиот претставник излезе како победник, во второто квалификациско коло ќе игра против португалската Бенфика, а доколку биде поразен тогаш меѓународниот настап ќе го продолжу во ЦЕВ купот во двомечот против Мурса Осиек од Хрватска.
Филип Деспотовски е нов играч на одбојкарскиот клуб Струмица
