Од утре па се до петок, Македонија ќе биде погодена од топла воздушна маса. Дневната температура насекаде ќе биде над 30°C, а наместа се очекува да надмине и 40 степени. Вредноста на УВ индексот ќе изнесува 9, соопшти УХМР.

Во петок попладне и во вечерните часови ќе има локална појава на нестабилност со пороен дожд и грмежи, а пад на температурата за неколку степени се очекува во деновите од викендот кога ќе дува умерен до засилен северен ветер.