За помалку од една година по почетокот на рускиот напад врз Украина, Германија запленила руски имоти во вредност од 5,32 милијарди евра, пишуваат српските медиуми, пренесувајќи изјава од германското Министерство за финансии за „Велт“.

Во оваа сума влегуваат бројни руски ентитети, вклучително и Централната банка на Русија, како и поединци и компании кои се на листата на санкции на Европската Унија.

Меѓутоа, од Министерството не одговориле колку е голем замрзнатиот имот на таканаречените олигарси во Германија.

Според ТАСС пак, податоците на Европската комисија покажувале дека државите членки на Унијата замрзнале 300 милијарди евра од Централната банка на Русија и 20 милијарди евра, сопственост на руски бизнисмени.