Дали Меланија Трамп повторно ќе стане прва дама на САД: Манекенката со словенечко потекло се враќа во Белата куќа?
Успешната словенечка манекенка, која своевремено беше прва дама на Соединетите Американски Држави, Меланија Трамп, доживеа и добри и лоши искуства откако нејзиниот сопруг Доналд Трамп, беше избран за претседател во 2016 година.
Препорачано
Нејзиното родено име е Меланија Кнавс. Родена е на 26 април 1970 година во Ново Место – Словенија, поранешна Југославија. Таа пораснала во градот Севница, каде татко ѝ продавал автомобили, а мајка ѝ работела во текстилната индустрија.
View this post on Instagram
Кнавс ги прекинала студиите за дизајн и почнала да развива кариера како модел во Европа под името Меланија Кнаус, а во 90-тите, успехот ја носи во САД.
– Како модел и чест гостин на луксузните забави во Њујорк, го запознава Доналд Трамп – открива Кетрин Џелисон, професорка на Универзитетот во Охајо.
View this post on Instagram
Кнавс станува Трамп на 22 јануари 2005 година. Една година подоцна, таа го раѓа синот Барон, нејзиното единствено дете, а истата година станува и американска државјанка.
Животот на Меланија драстично се променил кога нејзиниот сопруг се кандидираше за претседател на САД во 2016 година, а таа му беше поддршка во кампањата.
Доналд Трамп положи заклетва како 45-ти претседател на САД во јануари 2017 година.
Како прва дама, Меланија Трамп патуваше низ светот и започна проекти како што е кампањата „Биди најдобар“, која се фокусираше на благосостојбата на децата, безбедноста на интернет и злоупотребата на опијати. Таа имаше помалку јавни појавувања од многу први дами, но сепак доби интензивно медиумско внимание.
По напуштањето на Белата куќа, Меланија Трамп практично исчезна од очите на јавноста. Таа повремено се појавуваше за да ја поддржи новата кандидатура на нејзиниот сопруг за Белата куќа и да ја промовира својата автобиографија.
My Story.
My Perspective.
The Truth. https://t.co/ZCTwZSqZND pic.twitter.com/HHGQaA6d5v— MELANIA TRUMP (@MELANIATRUMP) September 5, 2024
– Пишувањето на овие мемоари беше длабоко лично патување за мене – рече таа во објава на Твитер.
Аналитичарката Џелисон, сепак, верува дека доколку повторно стане прва дама на САД во вториот мандат, Меланија Трамп веројатно би продолжила во голема мера да го избегнува публицитетот.
ФОТО | Барон Трамп има раскошно секојдневие: Mаски за лице од кавијар, скапи патики и вратоврски
