НАСА планира да им овозможи на патниците да стигнат од Њујорк до Лондон во времето потребно за гледање просечен филм, пишува Nova.rs.

Оваа недела американската вселенска агенција претстави план за „суперсонично воздушно патување“, пренесува Нова.рс.

Планот е авионот да прелета преку Атлантикот со невидена брзина од приближно 2.470 до 4.900 километри на час. Растојанието од Њујорк до Лондон е околу 5.500 км.

НАСА веќе влезе во, како што ја нарекува, следната фаза од планот, која вклучува два 12-месечни договори доделени на Боинг, Ролс-Ројс и други партнери за да помогнат во концептуализирањето на новиот авион и изградбата на „технолошки патоказ“.

На почетокот на ова лето, НАСА го заврши својот тивок суперсоничен тест авион X-59, кој е дизајниран да ги придуши сопствените звучни бумови; програма која ќе послужи како инспирација за новиот млазен проект.

New York to London in 1.5 hours? NASA announces supersonic plane almost twice as fast as the Concorde https://t.co/mEytYmwu1M pic.twitter.com/EjrZchsbdf

— Daily Mail US (@DailyMail) August 24, 2023

Во своето соопштение , НАСА објави дека се надева оти ќе ги забрза летовите од Њујорк до Лондон „до четири пати побрзо отколку што е моментално можно“, но дека проектот се уште е во рана фаза на развој.

Од нивната анализа, агенцијата верува дека има потенцијални пазари за патници на дури 50 воспоставени рути кои поврзуваат различни градови, фокусирајќи се прво на прекуокеанските летови за да се намалат регулаторните пречки.

Според менаџерот на проектот за хиперсонична технологија на НАСА, Мери Џо Лонг-Дејвис, двата 12-месечни договори кои ја истражуваат изводливоста на суперсоничен патнички авион првенствено ќе се фокусираат на намалување на бучавата при полетување и слетување.

Воздухопловниот гигант Боинг ќе го води првиот тим, заедно со партнерите Exosonic, GE Aerospace, Georgia Tech Aerospace Systems Design Laboratory и Rolls-Royce North American Technologies.

Тимовите ќе имаат задача да дизајнираат концепти за патничкиот млазен авион, неговиот енергетски систем, методите на погон, управувањето со топлината, издувните гасови и триењето, како и потребните композитни материјали.

Откако ќе заврши првичното истражување на договорените страни, американската вселенска агенција и нејзините партнери во академската заедница независно ќе проценат дали можат да продолжат со истражувањето со сопствено финансирање, соопшти НАСА.