На списокот од 181.641 лице чии лични податоци, според хрватскиот портал Индекс.хр – протекоа од евиденцијата на агенцијата за наплата на штети Eoс Maтрикс, има лични податоци на дури 294 малолетни лица.

Од каде компаниите за наплата на долгови добиваат лични информации за малолетници? Порталот Индекс Истраге во неделата навечер објави дека повеќе од 181.000 лични податоци на граѓани, вклучително и на неколку стотици малолетници, протекоа од компанијата EOС Maтрикс, агенција за наплата на долгови. Ова е второ големо протекување податоци откако во декември минатата година беше отворена истрага за протекувањето на 77.000 лични податоци на компанијата Б2 Капитал, друг инкасатор или агенција за наплата на долгови, јавува Н1 Загреб.

„Имаше 181.641 евиденција со име и презиме, ОИБ (матичен број), датум на раѓање, а освен должници има и содолжници, гаранти и заложни должници. Освен што ова е најголемото истекување на лични податоци досега, спорно е дека базата на податоци EOС Maтрикс содржи и лични податоци на 294 малолетници, а јасно е дека овие инкасатори собирале лични податоци за малолетници“, велат од Порталот Индекс.хр.

Порталот наведува дека компанијата ЕОС Матрикс признава дека нивната база содржи информации за малолетници, но дека тоа го прават врз основа на законски обврзувачки судски пресуди за наследување, односно за лица за кои е утврдено дека се наследници на должникот. Информации за наследниците и членовите на семејството, според порталот всушност ги вклучува потенцијалните наследници, односно децата на должникот, додека „меѓучовечките односи“ всушност подразбира собирање податоци за семејството на должникот, односно за потенцијалните идни должници.

EOС Maтрикс не негира дека овој модел постои, но тврди дека овој модел „претставува интелектуална сопственост и не е претставен на јавноста како таков“, пишува Индекс.хр. Во Агенцијата за заштита на лични податоци АЗОП, во врска со обработката на личните податоци на децата од агенцијата за наплата на штети, за порталот велат дека од аспект на заштита на личните податоци, не е јасно на која правна основа постапувал со податоци. Компанијата EОС Матрикс демантира дека се случил „безбедносен упад“.