Компанијата за истражување на минерали КоБолд Металс (CoBold Metals), која е поддржана од повеќемина милијардери меѓу кои и Џеф Безос и Бил Гејтс, во четвртокот соопшти дека ќе започне со дупчење на Гренланд во потрага по суштински суровини што се користат во електричните возила.

КоБолд, која користи вештачка интелигенција и машинско учење за да трага по суровини, минатата година обезбеди 51 отсто удел во проектот Disco-Nuussuak на западниот брег на Гренланд, со кој управува Блу мајнинг (Blue Mining) од Лондон, пишува Ројтерс а пренесува Мајнинг.

Заедничкото вложување на КоБолд и Блу мајнинг ќе користи беспилотни летала за да направи магнетни снимки со висока резолуција и планира да издупчи вкупно 3.000 метри оваа година со што на различни локакции каде што се наоѓаат метали ќе продре до длабочина од 150 до 400 метри.

-Целта е да се таргетираат масивни наоѓалишта на метали како никел, бакар, кобалт и платина, изјави извршниот директор на Блуџеј мајнинг, Бо Стенсгард, за Ројтерс.

Цените на никелот, кои се користат во батериите од не’рѓосувачки челик за електрични возила, се зголемија повеќе од двојно на почетокот на овој месец по руската инвазија на Украина, што пак предизвика Западот да воведе санкции против Москва. Инаку, Русија обезбедува околу 10% од потребите за никел во светот. Како се движат цените на никелот и кобалтот на светските берзи, можете да погледнете тука.

-Неодамнешните несреќни геополитички случувања јасно покажуваат дека на западниот свет му се потребни нови наоѓалишта на овие суштински метали, вели Стинсгард.

КоБолд е приватна компанија чии главни инвеститори се Breakthrough Energy Ventures, климатски и технолошки фонд поддржан од ко-основачот на Мајкрософт Бил Гејтс, основачот на Блумберг Мајкл Блумберг и основачот на Амазон Џеф Безос.

-Целосно електрифицирање на глобалната економија е најголемиот предизвик на нашата генерација. За да ја постигнеме оваа возвишена цел, мораме да ги забрзаме нашите напори да најдеме клучни материјали за револуцијата на електричните возила, рече извршниот директор на КоБолд, Курт Хаус.

Минатиот месец, КоБолд собра 192,5 милиони долари за да ги искористи за откривање критични материјали, пишува usnews.com.

Меѓу другите инвеститори на КоБолд е фондот за ризичен капитал од Силиконската долина Андресен Хоровиц, норвешката државна енергетска компанија Еквинор (Equinor) и Раи Далио, основач на најголемиот хеџ фонд во светот, Бриџвотер Асошшиејтс (Bridgewater Associates).