Маж (52) е обвинет за убиството на новинарката Лира Меки, која го загуби животот откако беше застрелана на нереди во Дери, Северна Ирска, минатата година.

Исто така, човекот е обвинет и за поседување на оружје, а член е и на забранета организација, соопшти полицијата, а пренесува „Гардијан“.

Осомничениот е уапсен во вторникот, а на сослушување ќе се појави во четврток.

Меки (29) беше една од најталентираните млади новинарки во Северна Ирска. Застрелана е додека ги следеше протестите на 18 април минатата година, а нејзината смрт ја осудија политичарите од сите страни.

Пишуваше за исчезнувањето на младите за време на повеќедецениското насилство во Северна Ирска.

Полицијата наведе дека 52-годишниот маж е обвинет и дека Меки ја убиле „терористи“.