Засега неидентификувана жена во вторникот на судењето на музичкиот магнат Шон Диди Комбс почнала да вика, поради што била исфрлена од судницата.

Токму кога сведочењето требало да започне, жената извикала: „Диди, овие гадови ти се смеат“. Комбс се свртел кога жената почна да ги провоцира членовите на обезбедувањето во судницата велејќи: „Извади го пиштолот нинџа, те предизвикувам“.

Таа, исто така, се бунела против „системот“ само неколку моменти пред судијата да нареди нејзино исфрлање од судницата. Пред испадот, обезбедувачите ја предупредиле: „Немој да го правиш тоа“.

Поротата во тоа време не била во судницата. Инаку, секој ден пред судот се собираат мноштво од обожаватели на Диди.

До нередот дошло непосредно пред да сведочи обезбедувачот кој работел во луксузниот хотел во Лос Анџелес каде што Комбс беше снимен како брутално ја тепа и удира тогашната девојка Каси Вентура.

Еди Гарсија, кој работел во приватно обезбедување во хотелот „Интерконтинентал“, сведочеше дека Комбс и неговата шефица на персоналот, Кристина Хорам, го прогонувале за да добијат снимки од надзорните камери по тепањето на 5 март 2016 година.

Гарсија им рекол на поротниците дека Комбс еднаш му се јавил ветувајќи дека „ќе се погрижи за мене“ ако помогне да се отстрани снимката.

„Тој рече дека нешто такво може да го уништи. Беше загрижен дека ова видео може да стане јавно и дека може да му ја уништи кариерата“, изјавил обезбедувачот пред судот.

Раперот, кој се изјасни за невин, се соочува со доживотен затвор ако биде осуден.

Поранешната на Диди чека трето дете со сопругот: Радосната вест ја објавија неколку месеци по шокантните тужби против реперот

Прикажани шокантни снимки од забавите на Диди, неговата поранешна пред судот: „Тоа сум јас, намачкана со бебешко масло“

Нови шокантни детали на судењето на Диди, еден сведок го обвини и Харви Вајнштајн