Објавено видео од пукањето во „Ист Гејт Мол“, како на филм пред случајни минувачи „фрчат“ истрели
Објавено е видео од пукањето во „Ист Гејт Мол“ каде две лица се ранети, а еден од нив според неофицијални информации е Раде Трајковски Штекли кој во истиот трговски пред два месеци исто така беше нападнат.
Препорачано
Видеото е објавено на твитер профилот на Курир, а на снимката се гледа како напаѓачот откако двете сега веќе ранети лица се спуштаат по лифтот надолу кон гаражите се приближува до нив и пука.
ЕКСКЛУЗИВНО ВИДЕО ОД ПУКАЊЕТО ВО ИСТ ГЕЈТ: Врз Раде Штекли е пукано како во див запад! (ВОЗНЕМИРУВАЧКО ВИДЕО) pic.twitter.com/3DosqGp7OR
— Курир (@KurirMK) October 24, 2023
За време на инцидентот во трговскиот има случајни минувачи кои по пукотниците се разбегуваат.
По пукањето напаѓачот облечен во бел дуксер бега.
По денешното пукање во „Ист гејт мол“, едно лице е во критична состојба, а друго е пренесено на Клиниката за торакална хирургија. Информацијата ја потврди директорот на Клиниката за хируршки болести „Свети Наум Охридски“ во Скопје, Љубен Арсенков.
„Двајца пациенти се примени во болницата, станува збор за две машки лица. Едниот пациент е задржан кај нас, веднаш е однесен во операциона сала поради сериозноста на повредите. Во моментов се изведува оперативен зафат кај овој пациент. Во тешка состојба е и врз него се врши оперативен зафат поради повреди во стомакот и во градната шуплина. Другиот е препратен на Клиниката за торакална хирургија. И кај едниот и кај другиот пациент се работи за прострелни рани“, појасни Арсенков.
