Британската академија за филмска и телевизиска уметност ја објави листата на номинации за овогодинашните престижни награди БАФТА. Церемонијата ќе се одржи во Лондон на 16 февруари, а домаќин ќе биде шкотскиот актер Дејвид Тенант, најпознат по улогата на Доктор Ху.

Оваа година најмногу номинации, дури 12, доби филмот „Конклава, во режија на Едвард Бергер, а веднаш зад него е мјузиклот „Емилија Перез“ на францускиот режисер Жак Одиар, кој доби 11 номинации. Историската драма „Бруталист“ е на трето место со 9 номинации.

На изненадување на филмските обожаватели на многу очекуваниот мјузикл „Злобница“, не е номиниран во категоријата за најдобар филм. Но, нејзините ѕвезди Синтија Ериво и Аријана Гранде добија номинации во актерските категории.

Исто така, Анџелина Џоли не е номинирана во категоријата за најдобра актерка за нејзината изведба во филмот „Марија“, ниту пак Даниел Крег е номиниран за најдобар актер во филмот „Квир“.

Шпанската актерка Карла Софија Гаскон, ѕвездата на филмот „Емилија Перез“, влезе во историјата како првата трансродова актерка номинирана за наградата БАФТА.

Подолу е листа на овогодинашните номинации по категории:

Најдобар филм

„Анора“
„Бруталист“
„Целосно непознато“
„Конклава“
„Емилија Перез“

Најдобар британски филм

„Птица“
„Блиц“
„Конклава“
„Гладијатор 2“
„Тешки вистини“
„Никеп“
„Ли“
„Љубовните лаги крварат“
„Надминување“
„Валас и Громит: Птичја одмаза“

Најдобар не-англиски филм

„Сè што замислуваме како светлина“
„Емилија Перез“
„Сè уште сум тука“
„Никеп“
„Семето на светата смоква“

Најдобар документарен филм

„Дневници на црната кутија“
„Ќерки“
„Нема друга земја“
„Супер/Човек: Приказната за Кристофер Рив“
„Вил и Харпер“

Најдобар режисер

Шон Бејкер – „Анора“
Брејди Корбет – „Бруталист“
Едвард Бергер – „Конклава“
Денис Вилнев – „Дина: Втор дел“
Жак Одиар – „Емилија Перез“
Корали Фаржа – „Супстанцијата“

Најдобра главна женска улога

Синтија Ериво – „Злобница“
Карла Софија Гаскон – „Емилија Перез“
Маријана Жан-Батист – „Тешки вистини“
Мајки Медисон – „Анора“
Деми Мур – „Супстанцијата“
Сирша Ронан – „Надминување“

Најдобар главна машка улога

Адриен Броди – „Бруталист“
Тимоти Шаламе – „Целосно непознато“
Колман Доминго – „Пеј пеј“
Ралф Фајнс – „Конклава“
Хју Грант – „Еретик“
Себастијан Стен – „Приправникот“

Најдобра споредна женска улога

Селена Гомез – „Емилија Перез“
Аријана Гранде – „Злобница“
Фелисити Џонс – „Бруталист“
Џејми Ли Кертис – „Последната шоу-девојка“
Изабела Роселини – „Конклава“
Зои Салдана – „Емилија Перез“

Најдобра споредна машка улога

Јура Борисов – „Анора“
Киеран Калкин – „Вистинска болка“
Кларенс Меклин – „Пеј пеј“
Едвард Нортон – „Целосно непознато“
Гај Пирс – „Бруталист“
Џереми Стронг – „Прправникот“

Целата листа на номинации може да ја погледнете ТУКА.