Докажано е дека луѓето кои внимаваат на она што го внесуваат и се хранат балансирано, се поздрави и имаат помал ризик да заболат од хронични болести и инфекции. Особено во овој период на настинки и вируси е многу важно добро да го подготвиме нашето тело во одбрана од разните инфекции. Секако, освен добрата и избалансирана исхрана, важен е и квалитетниот сон, како и стресот кој има голема улога во целиот наш одбранбен механизам и имунитет. Па така, и при инфекција со вирусот ковид 19, потребно е да се придржуваме до основните принципи и насоки за здрава и балансирана исхрана.

Според последните препораки на СЗО, нема посебен план на исхрана кој треба да го следите при инфекција со ковид вирусот, но постојат препораки и општи насоки за исхрана кои би помогнале во полесно надминување на вирусот и оздравување.

Една од основните препораки при инфекција со ковид вирус, е да јадеме што помалку процесирана храна, односно да внесуваме што е можно повеќе „жива“ храна која е богата со ензими и влакна, што повеќе порции. Па така во овој период е особено важно да имаме повеќе свежо овошје и зеленчук, кои се богати со витамини и минерали, а од нив посебно ги издвојуваме цитрусните овошја, како и лукот, брокулата и спанаќот,  кои имаат многу позитивно влијание врз имунолошкиот систем. Овие намирници се богати со витамин Ц, железо, цинк и селен кои имаат антиоксидантно дејство и го штитат телото од слободните радикали.

Исто така, мешунките не треба да бидат запоставени, јаткастите плодови богати со масни киселини, и полнозрнестите жита како овес, кафеав ориз, просо, пченица. Месото како важен избор на протеини кои учествуваат во имуниот систем, треба да е застапено во соодветна количина, како и јајцата и млечните производи, особено ферментирани.

Ограничете го внесот на шеќер

За грицки и ужина најдобро е да изберете сирово овошје и зеленчук наместо грицки полни со транс- масти и празни шеќери, како и огромни количини на сол.

Подеднакво е важно термички да не се обработува предолго овошјето и зеленчукот бидејќи со високата топлината и долгото време на изложеност, се губат сите важни витамини. Доколку веќе одбирате конзервирано или суво овошје за ужина, дадете им вредност на оние без додадени сол и шеќери.

Останете хидрирани и пијте доволно вода секој ден

Добрата хидратација е клучна за оптимално здравје. Секогаш кога е достапна и безбедна за потрошувачка, водата од чешма е најздравиот и најевтиниот пијалок. Исто така е најодржлива, бидејќи не произведува отпад, во споредба со флашираната вода.

Пиењето вода наместо пијалоци засладени со шеќер е едноставен начин да го ограничите внесувањето шеќер и вишокот калории. За подобрување на вкусот на водата можете да додадете билки како што се нане, лаванда или рузмарин, а и вода со цеден лимон би била одлична опција.

Избегнувајте пиење големи количини на силно кафе, силен чај, а особено кофеинирани безалкохолни пијалоци и енергетски пијалоци. Овие може да доведат до дехидрација и може негативно да влијаат врз вашите навики за спиење.

Конзумирајте доволно растителни влакна

Растителните влакна придонесуваат за здрав дигестивен систем и даваат продолжено чувство на ситост, што помага да се спречи прејадување. За да се обезбеди соодветен внес на растителни влакна, осигурете се да вклучите зеленчук, овошје и интегрална храна во сите оброци. Храната со интегрална храна вклучува овес, кафеави тестении и ориз, киноа и леб од цело пченица и зрна, наместо рафинирана храна со жито, како што се бели тестенини и ориз, и бел леб.

Побарајте психосоцијална поддршка доколку е потребно

Секако дека соодветната исхрана и хидратација го подобруваат здравјето и имуниот систем, но во период на инфекција со ковид особено, менталното здравје е исто така многу важно да се задржи. Доколку осетите дека ви е потребна помош, не се чувствувајте непријатно да побарате поддршка за да го зачувате ведриот и здрав дух. Еден разговор со стручно лице може да помогне многу да се чувствуваме подобро.

Во центарот за внатрешни болести „СРЦЕ“ се нудат нутриционистички програми за пациенти со прекумерна телесна тежина. Во тимот при кабинетот за диететика и диетотерапија се вклучени дипломирани нутриционисти, а пациентите се под лекарска контрола, па затоа и успехот е огромен и резултатите се очигледни. Се прави метаболна проценка, а некогаш кога е неопходно и хормонални испитувања и се ординира соодветна терапија и суплементи. Во Центарот за внатрешни болести „СРЦЕ“ тимската работа е клучот за успех.

Центар за внатрешни болести „Срце“

Тел. 02/3217-016, моб. 071/319-208

(комерцијален текст)