Нуно Еспирито Санто, кој постигна договор со сопственикот на англискиот фудбалски клуб Нотингем форест, Евангелос Маринакис, за продолжување на соработката.

Португалецот Еспирито Санто дојде во клубот во 2023 година и успеа да го задржи тимот во Премиер лигата во последното коло, а потоа минатата сезона обезбеди место на европската сцена за прв пат од сезоната 1995/96.

Таквиот успех доведе до тоа сопственикот да му понуди нов договор до 2028 година, што тој го прифати, на радост на навивачите на овој клуб.

– Исклучително сум задоволен што постигнавме договор за продолжување на нашата соработка. Откако дојдов во овој клуб, работевме напорно за да постигнеме добри резултати, но и за да создадеме одлична атмосфера во тимот. Навивачите ни веруваат, имаме одличен однос со нив и навистина верувам дека ќе имаме уште многу причини за славење во иднина – рече Еспирито Санто.

Маринакис не го криеше своето задоволство од постигнатиот договор, нагласувајќи дека Нуно Еспирито Санто е експерт кој ќе остави длабока трага во Нотингем форест.

– Нуно покажа колку добар професионалец е. Тој успеа да постигне многу успеси за клубот преку напорна и квалитетна работа, а нашиот однос што го изградивме е нешто на што сум особено горд. Верувам во него, знам колку може да направи и двајцата имаме заеднички сон да направиме нешто големо со Нотингем. Засега сме на вистинскиот пат – вели Маринакис.