Украина и Русија синоќа спроведоа нова масовна размена на воени заробеници, овозможувајќи им на повеќе од 300 луѓе да ја прослават Новата година со семејствата.

Украина ослободи 150 руски затвореници, а Русија 189 украински. Размената е спроведена во Белорусија.

– Син ми сега е петгодишен, кога последен пат го видов имаше две години. Не ме позна. Имав брада и коса. Изгубив 20 килограми – изјави за Ројтерс Серхиј, кој бил заробен во челичарницата „Азовстал“ кај Мариупол, по тримесечната руска опсада во 2022 година.

Украинскиот претседател Володимир Зеленски им се заблагодари на Обединетите Арапски Емирати поради успешното посредство за постигнувањето договор за размена на заробеници.