Од денес па до 27 декември, во паркот „Авионче“ во Аеродром, ќе се одржува настанот „Новогодишна бајка“ за сите љубители на добрата забава и предновогодишниот дух.

На Фестивалот на вино, вода и храна, којшто започнува денеска во 18 часот, за забава на посетителите  ќе се погрижат Ивона Јо, Ламбе Алабаковски, Тамара Волчевска, Кате Нели ти реков и Ѓоко Ѓорчев, Куку Леле, Тони Андреев, Таско и Тони Зен. Винаријата „Парагон“, за сите граѓани кои ќе дојдат на настанот во текот на сите три дена ќе  обезбеди бесплатно вино.

Новогодишната бајка ќе биде збогатена и со празничен базар,  каде што ќе бидат достапни рачно изработени ракотворби, вина, вкусна храна и други креативни производи. За најмладите  ќе има повеќе забавни активности со омилените маскоти од цртаните филмови, а специјален гостин ќе биде Дедо Мраз!

Настанот е финансиран од Град Скопје и е дел од  културна понуда на Град Скопје како Европска престолнина на културата 2028, а дополнително е финансиски поддржан и од Општина Аеродром.