Хип-хоп пејачот и музички магнат Шон Диди Комбс се соочува со нови обвинувања. Овој пат во обвинението е наведено дека тој им се заканувал на вработените со прекувремена работа и ги присилувал да му помагаат трговијата со луѓе, објави денеска „Ен-би-си“.

Според новото обвинение, Комбс наводно ги принудувал вработените да „работат долги часови со малку сон“ употребувал физичка сила, психички ги малтретирал, со закана дека ќе им наштети на нивниот углед.

„Комбс им се заканувал на вработените да веруваат дека ќе бидат повредени и дека ќе ја изгубат работата, доколку не ги исполнат неговите барања“, се наведува во новото обвинение.

„Во односот со еден од вработените, Комбс употребил и физичка сила, психичко малтретирање, финансиско лишување и оштетување на угледот, како присила вработениот да има сексуални односи со него“, се вели во обвинението.

Адвокатот тврди дека неговиот тим примил околу 3.000 повици од наводните жртви на Шон „Диди“ Комбс.

Обвинителите го отфрлија тврдењето на раперот Шон Диди Комбс дека владините агенти намерно објавиле докази. Федералните обвинители рекоа дека не очекуваат новото обвинение да влијае на судењето на 5 мај.

Музичкиот магнат беше уапсен во септември 2024 година и останува во притвор во федералниот центар за притвор во Бруклин.