Канадскиот тенисер Феликс Оже-Алијасим се пласираше во осминафиналето на Отвореното првенство на САД откако го победи третиот носител Александер Зверев од Германија со 3-1 (4-6, 7-6 (9-7), 6-4, 6-4) за три часа и 49 минути.

Зверев го отвори мечот подобро, добивајќи го првиот сет, но во вториот не искористи сет-топка за водство од 2-0, по што Канаѓанецот ја презеде контролата врз дуелот и оствари голема победа.

Ривал на Канаѓанецот во осминафиналето ќе биде Андреј Рубљов кој го победи Чак Лам Колман Вонг од Хонг Конг со 3-2 (2-6, 6-4, 6-3, 4-6, 6-3) во меч полн со пресврти што траеше три часа и 10 минути.

Александер Бублик од Казахстан со 7-6 (5), 6-7 (4), 6-3, 6-7 (5) и 6:1 триумфираше против Томи Пол од САД.

Бублик за пласман во четвртфиналето ќе игра против првиот носител на турнирот, Јаник Синер од Италија.